ProLingua, plataforma a prol da defensa e promoción da lingua galega

  • Cando amar é pecado

  • Canción dedicada a ProLingua e incluída no disco De Amor, dor e loita co que A Quenlla celebra o seu 30 aniversario. Letra e música: Baldomero I. D.

    Letra

Loading Audio Player...

Promoción

Banner principal

 

«Non estou aquí pola lingua dos meus pais nin pola miña, estou pola dos meus fillos e dos meus netos.»

-Manifestación pola lingua galega en outubro de 2009 en Compostela


Ver o proxecto

Voces

A regresión do galego da Feira do Moble da Estrada

Chegounos a ProLingua a información de que para indicar o lugar no que se celebra a Feira do Moble na vila da Estrada vénse colocando desde hai uns anos un cartel na N-640 co lema Feria del Mueble. Tendo en conta a proximidade da celebración da edición deste ano queremos ser voz de denuncia deste agravio contra a lingua da nosa terra.

 

Aínda máis nos alarmou que a entidade organizadora da Feira, a Fundación de Exposición e Congresos da Estrada, decidise este ano dar un paso máis nesta política antigalega ao comezar a difundir carteis e manuais que anuncian a celebración da Feira en castelán, cando esta divulgación viña facéndose con toda normalidade en galego nas anteriores celebracións do evento. Que foi o que sucedeu para que se producise esta involución? Pensamos que deben darse explicacións deste cambio de actitude. As explicacións deberían estenderse ao Dossier promocional, tamén exclusivamente en castelán, que contén a agravante da denominación da vila cos ilegais topónimos de *La Estrada ou *Villagarcía de Arosa. Isto último resulta aínda máis insultante de termos en conta que o 72% das empresas que participan na Feira son galegas.

 

Por se todo o relatado non fose xa suficiente, un dos momentos culminantes da Feira do Moble é o da entrega do Premio Xornalístico “Manuel Reimóndez Portela”, un galardón con tradición e vocación normalizadora ao que só se poden presentar artigos publicados en galego. En ProLingua consideramos que non debería darse o caso contraditorio de que a mesma institución que desde hai 20 anos concede este premio mostre unha actitude, xa non de desleixo, senón incluso agresiva, en contra da potenciación e uso do galego.

 

Necesitamos explicacións claras e detalladas das razóns que levaron á Fundación de Exposicións e Congresos da Estrada a iniciar unha etapa de enfrontamento coa lingua. Solicitamos que interrompan a difusión da cartelería e o resto da documentación (o referido dossier, os contratos...) e a substitúan por outra que non atente contra a dignidade dun pobo que sustenta os fondos cos que se nutre a Fundación. Finalmente, agardamos desta mesma entidade e daquelas que a sosteñen (Concello da Estrada, Asociación Comarcal de Empresarios, Consellería de Economía e Industria, Cámara de Comercio de Vilagarcía e Deputación de Pontevedra) unha maior sensibilidade e respecto coa lingua de noso.

 

ProLingua, 24 de agosto do 2015

Publicado
Ago 24
Autor
Normal Admin (admin)


Novas

USO DE COOKIES

Empregamos cookies propias e de terceiros para mellorarmos a túa experiencia e os nosos servizos, así como para mostrarche, desde o noso sitio web ou desde os de terceiros, publicidade baseada na análise dos teus hábitos de navegación. Se continúas navegando, consideramos que aceptas o seu uso.
Podes obter máis información na nosa Política de Cookies.