SARDU [SARDO]

MANIFESTU

Tradución: Diegu Corraine

INTRODUTZIONE

Sa limba galiziana est su patrimòniu immateriale prus pretziosu de su pòpulu de Galìtzia. Est su chi nos identìficat pro su chi semus, fèminas e òmines de Galìtzia, e nos cunsentit de tènnere unu logu nostru in su mundu.

ANTETZEDENTES

Nois galitzianos nde semus manninos de tènnere una limba millenària cun unu tempus passadu gloriosu chi, pro eventos polìticos, in sas primas dècadas de su sèculu 16, est intradu in una galleria de mudìmene finas a si cambiare in mèdiu de esclusione e suferèntzia morale e fìsica de medas generatziones. S’impreu orale sighidu e costante chi nd’at fatu sa gente ùmile e su traballu de sos mègius intelletuales chi, cumintzende su sèculu 19, ant ischidu a la riabilitare, ant cunsentidu su sarvamentu de s’elementu primu de s’identidade de sos galitzianos e de sa base primària de sa cultura nostra.
Su traballu de totu custas pessones at cunsentidu chi oe sa Galìtzia siat una natzionalidade istòrica cun un’autonomia polìtica sua, e chi totu sos guvernos autònomos apant pòdidu pònnere su fundamentu pro su recùperu sotziale de sa limba galitziana, in particulare in su campu de s’insinnamentu, de s’amministratzione e de sos mèdios de comunicatzione pùblica.

PRESENTADA

ProLingua est una prataforma fata dae pessones de ideologia e traballu diferentes meda, chi tenet comente finalidades esclusivas sa promotzione de sa limba galitziana comente limba pròpia de Galìtzia (e de sos territòrios probianos) e s’otenimentu de s’ufitzialidade reale sua, chi òperat in sa presèntzia normale in sos àmbitos dae ue est, in pràtica, galu esclùdida, comente su mundu de s’impresa, sa giustìtzia e àteros servìtzios pùblicos e privados, mescamente sos mèdios de comunicatzione.
In relatzione a custu, decraramus comente finalidades irrinuntziàbiles de ProLingua sa totalidade de sa Lege atuale de Normalizatzione Linguìstica de su 1983 e su Pranu Generale de Normalizatzione de sa Limba Galitziana 2004, chi, in ambos casos, ant otentu s’aprovatzione unànime de su Parlamentu de Galìtzia.
Viviamo in uno Stato di diritto, e come cittadine e cittadini esigiamo che venga attuata in modo pieno e completo (/integralmente) la legislazione esistente in materia linguistica. Allo stesso tempo esigiamo che non venga portata a realizzazione nessuna legge che implichi, da parte delle donne e degli uomini di Galizia, una perdita di diritti rispetto al suo uso e alla sua conoscenza e al fare di questa il segno della identità galiziana.
Semus in un’Istadu de deretu, e comente tzitadinas e tzitadinos pretendimus chi siat atuada in manera prena e cumpreta sa legislatzione esistente in matèria linguìstica.
In su matessi tempus, pretendimus chi non siat posta in òpera peruna lege chi ìmplichet, pro sas fèminas e sos òmines de Galìtzia, una pèrdida de deretos a impreare e a connòschere sa limba e a nde fàghere su sinnale suo de identidade galitziana.

FUNTZIONAMENTU

-Est istabilidu comente tìtulu ùnicu pro sas pessones chi cherent agiuare custa prataforma s’intentu de s’obbrigare in sa defensa de sa limba galitziana e in sa promotzione de s’impreu suo in totu sos àmbitos, siat pùblicos siat privados.

-Sigomente sa limba galitziana est patrimòniu de su pòpulu galitzianu, negamus cale si siat pretesa de s’apoderare de issa o de l’atribuire a unu cale si siat grupu o ideologia particulare. Pro custu ProLingua si decrarat comente una prataforma apartìtica e plurale.

-Sos membros de ProLingua lu sunt a tìtulu personale e non tenent peruna rapresentatividade de grupos o assòtzios in relatzione a s’adesione issoro a custa prataforma.

-ProLingua at a promòvere atziones de cada casta pro cròmpere a sas finalidades suas; in càmbiu, ProLingua no at aderire mai a peruna atzione esterna a sa prataforma, sende chi sa libertade prena de adesione at a bàlere pro sas pessones chi bi leant parte in forma individuale.

-Cando in un’atzione siat presente su logotipu de ProLingua, no nd’at a pòdere èssere presente un’àteru,de peruna genia o pro peruna resone.

-Sa rapresentatividade de ProLingua apartenet a sa totalidade de sos membros suos cunsiderados totu aguales e cale si siat cunfrontu cun su podere pùblicu at a tènnere, comente finalidade esclusiva, su cumprimentu integrale de sos obietivos suos.