USO DE COOKIES

Este sitio web utiliza cookies de sesión e analíticas, propias e de terceiros que nos informan sobre os seus hábitos de navegación e vanse utilizar para mellorar a súa experiencia de navegación. Se continúa navegando, consideramos que acepta o seu uso. Para obter máis información e/ou cambiar a configuración prema aquí.

ACEPTAR
imagen banner

" Non estou aquí pola lingua dos meus pais nin pola miña, estou pola dos meus fillos e dos meus
netos "

Manifestación pola lingua galega en Outubro de 2009 en Compostela

Novas

Ribadeo Indiano

Ribadeo Indiano 2017

Soubemos pola prensa nesta nosa asociación que os grupos municipais do PSOE e do PP censuraron que se usase o idioma galego nos actos do Ribadeo Indiano. Segundo recolle La Voz de Galicia, unha representante política do PSOE cualificou de “falta de delicadeza” que o Alcalde de Ribadeo utilizase o noso idioma perante do embaixador de Arxentina, que asistiu aos actos.

 

Cústanos entender a estas alturas que alguén critique que os cargos públicos galegos utilicen con toda normalidade e sen complexos a lingua propia do país, o noso principal elemento de identidade, como sinalamos no noso manifesto.

 

En ProLingua somos conscientes de que cómpre traducir para que se entenda o que expresemos, por iso nos preocupamos de verter o noso manifesto desde o albanés ao xaponés, pasando polo asturiano, catalán, inglés, esperanto, occitano e romanés, e así ata 35 linguas diferentes.

 

Non obstante, é para nós evidente que os idiomas respectivos deben ser empregados con toda normalidade dentro dos espazos onde naceron, e máis aínda polos cargos públicos, tal como fixo o señor Alcalde de Ribadeo nos actos aos que estamos a nos referir.

 

Trasladámoslle os nosos parabéns, pois tamén sabemos neste país das presións de persoas e grupos que actúan, ao noso xuízo, movidos por prexuízos que consideran que a nosa lingua non é a axeitada en segundo que circunstancias, o que é o mesmo que considerala como un idioma de segunda categoría.

 

 

ProLingua, 24 xullo de 2017.

Ribadeo Indiano 2017

Ribadeo Indiano 2017

ProLingua. Licenza CC-BY-SA 3.0 ou superior