Resposta do Ministerio de Agricultura á queixa do uso de toponimia deturpada
Hoxe recibimos esta carta do Director Xeral de Sustentabilidade da Costa e do Mar, cargo do Ministerio de Agricultura, a quen nos diriximos o 20 de xuño por empregar, nun acto en Panxón, un mapa onde a toponimia aparecía deturpada.
Esixiámoslle o cumprimento da legalidade lingüística "para evitar caer en esperpentos públicos" e recordabámoslle que "en Galicia os nosos lugares teñen un nome, un só, e é en galego, polo que pedimos que o respecten e que cumpran a legalidade vixente". Nesta ligazón pode lerse completo o escrito de ProLingua.
Na carta, D. Pablo Saavedra Inaraja, explica o que aconteceu e pide desculpas pola utilización do mapa: "quisiera expresar mis disculpas por este desafortunado error, sobre el cual ya he dado indicaciones, para evitar que se pueda producir nuevamente. Quisiera, asimismo, trasladarles, no solo mi obligado compromiso con el cumplimiento de la legalidad lingüística, lo que conlleva el uso de la toponimia oficial, sino también mi profundo respeto por la lengua gallega, que desde este centro directivo se considera debe ser, en cuanto lengua cooficial en la Comunidad Autónoma de Galicia, objeto de especial protección".
Tamén hoxe nos remitiu este escrito a Secretaría Xeral de Política Lingüística, a quen pedimos que actuase neste asunto, explicándonos as medidas levadas a cabo e o resultado das súas xestións.
Dende ProLingua, plataforma apartidaria a prol da defensa e promoción do idioma galego, queremos agradecer a contestación e a boa disposición para que non se volva a producir unha falta de respecto semellante á nosa lingua e á nosa toponimia. Oxalá tomen boa nota outras administracións.
Pode lerse a carta remitida a ProLingua aquí.