USO DE COOKIES

Este sitio web utiliza cookies de sesión e analíticas, propias e de terceiros que nos informan sobre os seus hábitos de navegación e vanse utilizar para mellorar a súa experiencia de navegación. Se continúa navegando, consideramos que acepta o seu uso. Para obter máis información e/ou cambiar a configuración prema aquí.

ACEPTAR
imagen banner

" Non estou aquí pola lingua dos meus pais nin pola miña, estou pola dos meus fillos e dos meus
netos "

Manifestación pola lingua galega en Outubro de 2009 en Compostela

Novas

“Maio, mes da lingua”, máis de 50 actividades culturais en Pontevedra

Demetrio Gómez Xunqueira, concelleiro delegado de Normalización Lingüística de Pontevedra, presentou  as actividades de Maio, mes da lingua, o programa cultural da cidade do Lérez para celebrar o Día das Letras Galegas, que ademais este ano tamén conmemora os 150 anos da edición de Cantares gallegos, a obra máis coñecida de Rosalía de Castro.

Entre todas as actividades que se programan para este mes e medio, o edil destacou a XVII edición da Mostra de Teatro Ben Veñas Maio, que volverá contar cun concurso musical, o ciclo de conferencias Rosalía e Nós, numerosos actos en homenaxe a Roberto Vidal Bolaño, a quen se lle dedica este ano o Día das Letras Galegas, ou a Feira do Libro que se recupera en Pontevedra logo de nove anos.

Ademais, esta programación, chea de roteiros, intercambios lingüísticos, obras de teatro ou recitais poéticos, incluirá o día 18 de maio a Festa da Lingua, organizada pola Revira e a asociación En Pé, o concurso Atopa o Erro, que organiza o Centro Comercial Urbano Zona Monumental, ou Gústame o galego (16 de maio), un fotomatón popular con frases sobre a lingua galega.

Información tirada de Pontevedra Viva.

ProLingua. Licenza CC-BY-SA 3.0 ou superior